- ३१ श्रावण २०८३, आईतवार / Aug 16, 2026
काठमाडौँ, १० भाद्र । हरितालिका तीजको दिन यसपालि पनि पशुपतिनाथ मन्दिरमा श्रद्धालु भक्तजनको ओइरो लागेको छ। बिहानैदेखि लामो लाइन लागेर महिलाहरूले पूजा–अर्चना गरेका छन्। भक्तजनको सहजताका लागि पशुपति क्षेत्र विकास कोषले यस वर्ष नयाँ व्यवस्था गरेको छ।
यसै क्रममा पहिलो पटक भीडमा गर्मी कम गर्नका लागि मन्दिरको पश्चिम ढोकामा ‘कृत्रिम वाटर ड्रपलेट’ (Mist System) प्रयोग गरिएको हो। यो प्रणालीमार्फत पानीलाई उच्च दबाबमा वाष्पीकरण गरी स–साना थोपाहरूमा हावामा फैलाइन्छ, जसले आसपासको तापक्रमलाई केही डिग्रीसम्म कम गर्ने काम गर्छ ।
कोषका अनुसार हाल परीक्षणका रूपमा प्रयोग गरिएको यो प्रणाली प्रभावकारी देखिएमा आगामी दिनमा अन्य धार्मिक अवसरहरूमा पनि निरन्तर प्रयोग गरिनेछ। विगतमा तीजको दिन गर्मीका कारण महिलाहरू ढल्ने, बेहोस हुने घटना दोहोरिने भएकाले यसपटक विशेष व्यवस्थाको पहल गरिएको हो।
‘कृत्रिम वाटर ड्रपलेट’ वा मिस्टिङ्ग सिस्टम (Mist System) भन्नाले उच्च दबाबमा पानीलाई अत्यन्तै साना कण (droplets) मा परिवर्तन गरेर वायुमा छर्किने प्रविधि हो।
यो पानीका थोपा (वाफजस्ता) हावामा फैलिन्छन्।
छिटो वाष्पीकरण (evaporation) हुन्छ।
वाष्पीकरणले वरपरको तापक्रम ४–१० डिग्रीसम्म कम गर्ने प्रभाव पार्छ।
