फेमिसमा समस्या आउँदा श्रम स्वीकृति लिनेहरू मर्कामा

काठमाडौँ । फेमिस प्रणालीमा समस्या आएपछि श्रम स्वीकृतिमा समस्या आएको छ । वैदेशिक रोजगार विभागबाट सञ्चालित वैदेशिक रोजगार सूचना व्यवस्थापन प्रणालीमा समस्या आएपछि श्रम स्वीकृतिमा समस्या भएको हो ।

उक्त समस्या समाधानका लागि प्राविधिक टोलीले काम गरिरहेको विभागले जनाएको छ । फेमिस प्रणालीको सर्भरमा प्राविधिक समस्या आएपछि दैनिक प्रवाह हुने श्रम स्वीकृति लगायतका सेवा नियमित हुन नसकेको विभागले जानकारी दिएको छ ।

जीआईडीसीमा समस्या आएकाले फेमिसमा समेत समस्या आएको र विभागको सर्भर क्षमता कमजोर हुँदा विभागले जीआईडीसीको सर्भरबाट काम गर्दै आएको जनाएको छ । उक्त सर्भरमा समेत समस्या आएपछि फेसिम सर्भरमा पनि समस्या आएको विभागले जानकारी दिएको छ ।

फेमिसमा समस्या आउँदा श्रम स्वीकृति लिनेहरू मर्कामा परेका छन् । यसअघि पनि केही महिना अगाडि फेमिसमा समस्या आएको थियो ।