- २८ भाद्र २०८३, आईतवार / Sep 13, 2026
मोरङ । विराटनगर महानगरपालिकाका विभिन्न स्थानबाट मोटरसाइकल चोरी भएको घटनमा संलग्न एक जनालाई प्रहरी प्रकाउ गरेको छ । प्रहरीले भारत अररिया बस्ने ३५ वर्षीय सिकन्दर मण्डललाई बुधबार प्रहरीले पक्राउ गरेको हो ।
जिल्ला प्रहरी कार्यालय मोरङबाट खटिएको प्रहरीले अनुसन्धान गर्ने क्रममा उनको संलग्नता रहेको खुल्न आएपछि उनलाई पक्राउ गरिएको बताएको छ । प्रहरीले मोटरसाइकलको नम्बर प्लेट फाली भारत लैजाने उद्देश्यले विराटनगर महानगरपालिका–१४ स्थित लुकाई राखेको अवस्थामा २ थान मोटरसाइकल समेत प्रहरीले बरामद गरेको छ ।
त्यस्तै प्रहरीले लामो समयदेखि नेपालको सीमा क्षेत्रबाट मण्डलले संगठित रूपमा गिरोह परिचालन गरी मोटरसाइकल चोरी गर्ने गरेको समेत बताएको छ । अहिले चोरी मुद्दामा जिल्ला अदालत मोरङबाट ५ दिन म्याद थप अनुमति लिई मण्डलमाथि आवश्यक अनुसन्धान भइरहेको छ ।
