- ३ आश्विन २०८३, शनिबार / Sep 19, 2026
भक्तपुर । पेस्तोलसहित भक्तपुर प्रहरीले एकजनालाई पक्राउ गरेको छ ।
सोमबार दिउसो एक जनाले हतियारसहित हिडिरहेको छ भन्ने सुचनाका आधारमा प्रहरीले खोजतलास गर्दा काभ्रेपलान्चोक पनौती नगरपालिका वडा नं १ स्थायी घर भई हाल भक्तपुर सूर्यविनायक नगरपालिका वडा नं ८ रानीकोटमा बस्दै आएका प्रेम तामाङलाई पेस्तोलसहित पक्राउ गरेको हो ।
अन्दाजी ३६ वर्षका तामाङले हतियार बोकी हिडिरहेको अवस्थामा खानतलासी गर्दा पेस्तोल र सो पेस्तोलको म्याग्जिनमा ३ राउण्ड गोली लोड भएको अवस्थामा फेला पारेको जिल्ला प्रहरी परिसर भक्तपुरका सूचना अधिकारी प्रहरी नायव उपरिक्षक ढुण्डीराज नेउपानेले बताए ।
अहिले तामाङलाई परिसरमा राखेर थप अनुसन्धान गरिरहेको जिल्ला प्रहरी परिसर भक्तपुरले जनाएको छ ।
