नेपाल आयल निगमले पेट्रोलको मूल्य दुई रुपैयाँले घटायो

काठमाण्डौ, ३० असाेज । नेपाल आयल निगमले पेट्रोलको मूल्य घटाएको छ। निगमले गएरातिदेखि लागू हुने गरी पेट्रोलमा प्रतिलिटर दुई रुपैयाँले कमी गरेको हो।

नयाँ दर अनुसार चारआली, विराटनगर, वीरगञ्ज, जनकपुर, अमलेखगन्ज, भलवारी, नेपालगन्ज र धनगढी क्षेत्रमा पेट्रोलको मूल्य प्रतिलिटर १ सय ५६ रूपैयाँ ५० पैसा पुगेको छ।

त्यस्तै सुर्खेत र दाङ क्षेत्रमा प्रतिलिटर १ सय ५८ रूपैयाँ र काठमाण्डौ, पोखरा तथा दिपायल क्षेत्रमा प्रतिलिटर १ सय ५९ रूपैयाँ निर्धारण गरिएको छ। डिजेल, मट्टितेल र खाना पकाउने ग्यासको मूल्य भने यथावत राखिएको नेपाल आयल निगमले जनाएको छ।