- २१ भाद्र २०८३, आईतवार / Sep 6, 2026
काठमाडौं, १ भदौ । नेपाल आयल निगमले पेट्रोलियम पदार्थको मूल्य यथावत राखेको छ। भारतीय आयल कर्पोरेसन (आईओसी) बाट साउन ३० गते प्राप्त नयाँ खरिद मूल्यका आधारमा निगम सञ्चालक समितिले पेट्रोलियम पदार्थको हालकै मूल्य कायम राख्ने निर्णय गरेको हो।
निगमका अनुसार यसअघि साउन १८ गतेदेखि लागू भएको मूल्य नै निरन्तर रहनेछ। जसअनुसार पहिलो वर्गअन्तर्गत चारआली, विराटनगर, जनकपुर, अमलेखगन्ज, भलवारी, धनगढी र वीरगन्जमा पेट्रोल तथा डिजेलको मूल्य प्रतिलिटर १९७ रुपैयाँ ५० पैसा कायम छ।
त्यस्तै, दोस्रो वर्गअन्तर्गत दाङ र सुर्खेतमा पेट्रोल तथा डिजेल प्रतिलिटर १९९ रुपैयाँ तथा तेस्रो वर्गअन्तर्गत काठमाडौं, पोखरा र दिपायलमा प्रतिलिटर २०० रुपैयाँ कायम गरिएको छ।निगमले नयाँ खरिद मूल्य प्राप्त भए पनि हाललाई पेट्रोलियम पदार्थको बिक्री मूल्यमा कुनै परिवर्तन नगर्ने निर्णय गरेको हो।
