- १ आश्विन २०८३, बिहीबार / Sep 17, 2026
पर्वत, १८ असार । पोखरा महानगरपालिकामा सञ्चालित तीनवटा ‘स्पा सेन्टर’बाट आठ जना १८ वर्षभन्दा कम उमेरका बालिकाहरूलाई प्रहरीले उद्धार गरेको छ।
कास्की जिल्ला प्रहरी कार्यालयका सूचना अधिकारी प्रहरी नायव उपरीक्षक हरि बहादुर बस्नेतका अनुसार उद्धार गरिएको बालिकाहरूलाई बाल श्रम ऐन, २०५६ विपरीत जोखिमपूर्ण व्यवसायमा लगाइएको पाइएको छ।
उद्धार गरिएका बालिकाहरू यसरी छन्:
‘पर्सल्यान स्पा’ बाट २ जना
‘ताराहिल लज स्पा एण्ड ब्युटी केयर’ बाट २ जना
‘इभेन्डर ब्युटी एन्ड स्पा’ बाट ४ जना
जिल्ला प्रहरी कार्यालय कास्की र पोखरा महानगरपालिकाको सामाजिक विकास शाखाबाट खटिएको टोलीले उनीहरूलाई उद्धार गरेको हो। उ
द्धार गरिएका बालिकाहरूलाई श्रम तथा रोजगार कार्यालय पोखरामा पठाइएको छ। प्रहरीले उक्त स्पा सेन्टरहरूलाई बाल श्रम ऐन उल्लंघनको आरोपमा कारबाहीका लागि सिफारिश गरेको छ।
