- १० बैशाख २०८३, बिहीबार / Apr 23, 2026
काठमाडौं । नेपाली कांग्रेसका सांसद डा.प्रकाशशरण महतले स्रोत व्यवस्थापन र खर्च प्रणालीमा बजेट केन्द्रित हुन नसकेको बताएका छन्। आगामी आर्थिक वर्ष २०८१।०८२ को राजस्व र व्ययको वार्षिक अनुमानमाथिको छलफलमा भाग लिँदै उनले बजेटले अर्थतन्त्रका चुनौतीहरू सामना गर्ने दिशा पक्रन नसकेको औंल्याएका हुन्।
मुख्य समस्या बजेटरी सिस्टममा रहेको महतको ठहर छ। उनले आफू अर्थमन्त्री हुँदा त्यसको सुधार थालेको भए पनि त्यसले अहिले निरन्तरता नपाएको बताए। सही ठाउँमा लगानी नगर्नाले र प्राथमिकता निर्धारण गर्न नसक्दा नेपालको अवस्था यस्तो हुन गएको डा.महतले बताए।
सरकारले बजेटमार्फत आफ्ना नजिककालाई मात्र सम्बोधन गरेको उनले टिप्पणी गरे। बजेटका आकार पनि बढाउनका लागि मात्र बढाइएको बताए। महतले ऋणको भार झन् थप्ने काम बजेटमार्फत सरकारले गरेको बताए।
