भ्रष्टाचारीलाई मृत्युदण्डको व्यवस्था हुनुपर्छः प्रेम सुवाल

काठमाडौं । सांसद प्रेम सुवालले आर्थिक वर्ष (आव) नीति तथा कार्यक्रममा भ्रष्टाचारीलाई मृत्युदण्डको व्यवस्था गर्नेगरी संविधान संशोधन गर्नुपर्ने माग राखेका छन्। आज प्रतिनिधि सभाको बैठकमा नीति तथा कार्यक्रममाथि संशोधन पेश गर्दै उनले यस्तो माग गरेका हुन् ।

सांसद सुवालले उक्त व्यवस्था गर्न संशोधन गर्नुपर्ने आवश्यक रहेको पनि बताए । बुँदा १५ र २८ मा ठूलठूला भ्रष्टाचारी र मानव अधिकारको गम्भीर उल्लंघन गर्नेलाई मृत्युदण्ड दिने संविधान संशोधन गरिने छ भनेर उल्लेख गर्नुपर्ने उनको भनाइ छ । बुँदा २० मा लघुबित्त, सहरकारी ठगी गर्नेहरूलाई जेल सजायको व्यवस्था गर्नुपर्ने,पाँच वर्षसम्म महंगी बढ्न नदिइने व्यवस्था लेख्नुपर्ने पनि सांसद सुवालले माग गरेका छन्।