- ३१ आश्विन २०८३, शनिबार / Oct 17, 2026
भक्तपुर । भक्तपुर नगरपालिकाले सहकारी अनुगमन गरेको छ । भक्तपुर नगरपालिका सहकारी अनुगमन समितिको आयोजनामा भक्तपुर नगरपालिका वडा नं ४ मा रहेका बचत तथा ऋण सहकारी संस्थाहरुको बुधबार अनुगमन गरिएकोहो । यो ।
अनुगमनको क्रममा अनुगमन समितिका संयोजक हरिप्रसाद बासुकलाले सहकारीमा विभिन्न समस्याहरु रहेको बताउनुभयो । उहाँले पुसभित्र साधारणसभा नगरेको, सदस्यहरुलाई बचत फिर्ता गर्न नसकेको, विना धितो ऋण प्रदान गरेको, व्यवस्थापकले जथाभावी ऋण प्रदान गरेको, नियमित सञ्चालक समितिको बैठक नबसेको, कार्यक्षेत्रभन्दा बाहिरका व्यक्तिहरुसँग कारोबार गरेको, सदस्यहरुलाई सहकारी सम्बन्धी जानकारी दिने गरी कुनै गतिविधि नगरेको, केही महिनादेखि कार्यालय खोल्न नसकेकोलगायतका समस्या पाइएको जानकारी दिनुभयो ।
सहकारी अनुगमनमा सहकारी समिति सदस्यहरु श्यामसुन्दर मातां, पुरुषोत्तम तमखु, नारायणप्रसाद त्वानाबासुको सहभागीता रहको थियो ।
