दाङसहित लुम्बिनीका ६ जिल्लामा आज सार्वजनिक बिदा

काठमाडौं । दाङसहित पश्चिम तराईका ६ वटा जिल्लामा थारु समुदायले मनाउने ‘बडका अट्वारी’ पर्वका अवसरमा लुम्बिनी प्रदेश सरकारले बिदा दिएको छ । लुम्बिनी प्रदेश सरकारले अट्वारी पर्वको अवसरमा थारु समुदायको बसोबास धेरै रहेका दाङ, बाँके, बर्दिया, कपिलवस्तु, रुपन्देही र पश्चिम नवलपरासीमा सार्वजनिक बिदा दिएको हो ।

थारु समुदायमा महत्त्वका साथ मनाइने यो पर्वमा थारु समुदायका पुरुषहरू व्रत बस्ने चलन छ । यो पर्वमा निराहार व्रत बसी सूर्यको पूजा गरी मनाइने सांस्कृतिक मान्यता छ ।