सुनको भाउ आज १२ सयले घट्यो

काठमाडौं । सुनको भाउ आज घटेको छ । शुक्रवार तीज पर्वको दिन तोलामा १३ सय रुपैयाँले बढेर नयाँ रेकर्ड बनाएको सुन आज तोलामा १२ सय रुपैयाँ घटेर तोलाको एक लाख ५२ हजार एक सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।

त्यस्तै आज चाँदीको भाउ पनि घटेको छ । तोलामा ४५ रुपैयाँ घटेर चाँदी आज तोलाको एक हजार सात सय ५० रुपैयाँमा कारोबार भइरहेको महासंघले जनाएको छ । शुक्रवार चाँदी तोलाको एक हजार सात सय ९५ रुपैयाँमा कारोबार भएको थियो ।