- १० बैशाख २०८३, बिहीबार / Apr 23, 2026
काठमाण्डौ, २१ जेठ । गण्डकी प्रदेश सरकारले ‘राइड शेयरिङ नियमावली’ एक महिनाका लागि स्थगन गर्ने निर्णय गरेपछि यातायात व्यवसायीले आन्दोलनका सबै कार्यक्रम स्थगन गरेका छन्।
यससँगै दुई दिनदेखिको सवारी ठप्पी हट्दै गएरातिदेखि नै सार्वजनिक गाडीहरू सञ्चालनमा फर्किएका छन्। यसअघि सोमवार मध्यरातमा सरकार र यातायात व्यवसायीबीच सहमति भए पनि त्यसको कार्यान्वयन नभएको भन्दै मंगलवार दिनभर सार्वजनिक गाडी नचलेको थियो, जसका कारण यात्रुहरूले दु:ख भोग्नु परेको थियो।
हिजो बेलुका बसेको बैठकले आन्दोलन फिर्ता लिने निर्णय गरेको नेपाल यातायात व्यवसायी राष्ट्रिय महासङ्घका अध्यक्ष विजय स्वाँरले जानकारी दिनुभयो।गण्डकी प्रदेश सरकारले ‘राइड शेयरिङ नियमावली’ स्थगन गरेपछि व्यवसायीहरू आन्तरिक छलफलमा बसेका थिए र अन्ततः हाललाई हडताल स्थगन गर्ने निर्णयमा पुगेका हुन्।
सरकार र व्यवसायीबीच भएका वार्ताहरूको निष्कर्ष प्रधानमन्त्री तथा मन्त्रिपरिषद् कार्यालयमार्फत गण्डकी प्रदेश सरकारलाई पठाइएको थियो, र त्यसकै आधारमा नियमावली एक महिनाका लागि रोकिने निर्णय गरिएको हो।
