- १ कार्तिक २०८३, आईतवार / Oct 18, 2026
काठमाडौँ । कटन क्याण्डी नखान आग्रह गरिएको छ। खाद्य प्रविधि तथा गुण नियन्त्रण विभागले अखाद्य रङ ‘रोडामाइन वी’को प्रयोग गरिएकाले कटन क्याण्डी नखान आग्रह गरेको हो ।
खुला बिक्री वितरण गरिरहेका कटन क्यान्डीको उपभोग नगर्न र आफ्ना बालबालिकालाई नदिनसमेत विभागले आग्रह गरेको छ । विभागले अखाद्य रङ्गको प्रयोग गरी कटन क्यान्डी उत्पादन तथा बिक्री वितरण नगर्न रनगराउनसमेत सबैलाई अनुरोध गरेको छ।
काठमाडौँ विभिन्न स्थानका सडकपेटी, मेलाबजारमा बेच्न राखिएका रङ्गिन कटन क्याण्डीमा मानव स्वास्थ्यमा गम्भीर असर गर्ने खालका अखाद्य रङ रोडामाइन वीको प्रयोग गरिएकाले नखान आग्रह विभागले जनाएको छ । कटन क्यान्डीले दाँतमा कीरा लाग्ने, तौल बढाउने, स्मरण शक्तिमा कमी, पिसाबमा रङ देखिनेलगायत समस्या हुने गरेको छ ।
