- ८ असार २०८३, सोमबार / Jun 22, 2026
एजेन्सी । कक्षा ९ को अङ्ग्रेजी किताबको बाहिरी पेजमा भारतको राजस्थानमा बेलायतको राष्ट्रिय झण्डा छापिएपछि विवाद भएको छ ।
भारतको सट्टा बेलायतको राष्ट्रिय झण्डा छापिएपछि विवाद भएको हो ।
शिक्षामन्त्रीले यस विषयमा छानबिन गरी दोषीलाई कारबाही गरिने पनि बताएका छन् । शिक्षामन्त्री मदन दिलावरले पुस्तकको कभर पेजमा बेलायतको राष्ट्रिय झण्डा छापिएको तर भारतको राष्ट्रिय झण्डा नभएको कुरा अत्यन्त आपत्तिजनक रहेको बताएका छन् ।
यस विषयमा छानबिन गर्न माध्यमिक शिक्षा निर्देशक आशिष मोदीलाई आदेश दिएको जनाएका छन् । यस विषयमा पुस्तक प्रकाशन गर्ने निर्णय गर्ने निकायदेखि छाप्ने निकायसम्म छानबिन गरी दोषीलाई कारबाही गरिने शिक्षामन्त्रीले बताएका खबरमा उल्लेख छ ।
शैक्षिक सत्रको अन्त्यमा छापिएको पुस्तकको अर्थ समेत नभएको भन्दै राजस्थानमा पुस्तक छपाईप्रति विज्ञहरुले समेत आपत्ति जनाएका छन् ।
