मदिरा सेवन गरी झगडा गर्दा विमानस्थलबाट फर्काइए गायक राई

काठमाडौं । दुबई उड्न लागेको गायक राजेशपायल राईलाई जहाजबाट फर्काइएको छ । राईले अत्यधिक मदिरा सेवन गरी एयरलाइन्सका कर्मचारीसँग झगडा गरेपछि उनलाई फर्काइएको विमानस्थल अध्यागमन कार्यालयका प्रमुख सुरेश पन्थीले जानकारी दिए।

आज बिहान विमानस्थलमा १० बजेको घट्ना भएको उनले जानकारी दिए । एक साङ्गीतिक कार्यक्रममा सहभागी हुन उनी त्रिभुवन विमानस्थलबाट फ्लाई दुबईको जहाजमार्फत दुबई जान लागेका थिए । विमानभित्र होहल्ला गर्नुका साथै एयरलाइन्सका कर्मचारीसँग झगडा गर्न थालेपछि राईलाई प्रहरीको जिम्मा लगाइएको थियो ।