- ५ चैत्र २०८२, बिहीबार / Mar 19, 2026
रौतहटको गौरमा आर्थिक गणना २०८२ का लागि जिल्ला कार्यालय स्थापना
राष्ट्रिय तथ्याङ्क कार्यालय अन्तर्गत कार्यक्रम सञ्चालन
उद्योग, व्यापार, सेवा र रोजगारीको तथ्याङ्क संकलन हुने
सीडीओका अनुसार तथ्याङ्कले विकास योजना बनाउन सहयोग गर्ने
घरदैलोमार्फत तथ्याङ्क संकलन छिट्टै सुरु हुने
नीति निर्माण र लगानी प्रवर्द्धनमा उपयोगी हुने अपेक्षा
रौतहट, ५ फागुन । राष्ट्रिय आर्थिक गणना २०८२ सञ्चालनका लागि रौतहटमा जिल्ला आर्थिक गणना कार्यालय स्थापना गरिएको छ ।रौतहटको सदरमुकाम गौरस्थित करदाता सेवा कार्यालय परिसरमा बुधबार आयोजित एक कार्यक्रमबीच उक्त कार्यालय स्थापना गरिएको हो ।
गौर मा स्थापना गरिएको कार्यालयले जिल्लाको समग्र आर्थिक गतिविधिको यथार्थ तथ्याङ्क संकलन गर्ने लक्ष्य लिएको छ । यो कार्यक्रम राष्ट्रिय तथ्याङ्क कार्यालय अन्तर्गत सञ्चालन भइरहेको हो । गणनाबाट जिल्लाको उद्योग, व्यापार, सेवा क्षेत्र तथा रोजगारीको अवस्थाबारे विस्तृत विवरण प्राप्त हुने अपेक्षा गरिएको छ ।
कार्यक्रममा प्रमुख अतिथिका रूपमा उपस्थित रौतहटका प्रमुख जिल्ला अधिकारी (सीडीओ) दिनेश सागर भुसाल ले आर्थिक गणनाले स्थानीय आर्थिक अवस्थाको वास्तविक चित्र प्रस्तुत गर्ने बताएका छन् । उनका अनुसार संकलित तथ्याङ्कले दीर्घकालीन विकास योजना निर्माणमा सहयोग पुग्नेछ ।
त्यसैगरी तथ्याङ्क अधिकृत सुमन्त यादव ले गणनाका लागि आवश्यक जनशक्ति व्यवस्थापन, तालिम तथा घरदैलोमार्फत तथ्याङ्क संकलन कार्य छिट्टै सुरु गरिने जानकारी दिएका छन् । उद्घाटन कार्यक्रममा जिल्ला प्रशासन कार्यालय, निर्वाचन कार्यालय लगायतका सरोकारवाला निकायका प्रतिनिधिहरूको उपस्थिति रहेको थियो ।
आर्थिक गणनाबाट प्राप्त तथ्याङ्कले नीति निर्माण, विकास योजना तथा लगानी प्रवर्द्धनमा महत्वपूर्ण योगदान पुर्याउने अपेक्षा गरिएको छ ।
