- २९ श्रावण २०८३, शुक्रबार / Aug 14, 2026
काठमाडौँ, ५ फागुन । कैलालीमा एक युवकले श्रीमतीको गोली हानी हत्या गरेका छन् । गोदावरी नगरपालिका–४ अमलेशैनी मा अन्दाजी ३१ वर्षीय रामबहादुर मगरले जंगलमा बाख्रा चराउन गएका बेला २८ वर्षीया श्रीमती संजिता मगरको हत्या गरेको प्रहरीले जनाएको छ ।
जिल्ला प्रहरी कार्यालय कैलालीका अनुसार घरायसी विवादका कारण रामबहादुरले आफूसँग रहेको भरुवा बन्दुक प्रयोग गरी श्रीमतीमाथि गोली प्रहार गरेका थिए । घटना लगत्तै उनले सोही बन्दुक प्रयोग गरी आफैंलाई पनि गोली हानेका छन् । घाइते अवस्थामा रहेका रामबहादुरको सेती प्रादेशिक अस्पताल मा उपचार भइरहेको छ ।
प्रहरीका अनुसार मृतक संजिताको शव घटनास्थलमै रहेको छ । माइती पक्ष आएपछि मात्रै शव उठाउने तयारी गरिएको छ । घटनाबारे थप अनुसन्धान भइरहेको प्रहरीले जनाएको छ ।
