गुल्मीको रुद्रवेणी–वामीटक्सार–खरबाङ सडक आजदेखि २० गतेसम्म बन्द

काठमाण्डौ, ९ बैशाख । गुल्मी जिल्ला मा पर्ने रुद्रवेणी–वामीटक्सार–खरबाङ सडक आजदेखि फेरि बन्द हुने भएको छ। जिल्ला प्रशासन कार्यालय गुल्मी ले राष्ट्रिय राजमार्गअन्तर्गत पर्ने रुद्रवेणी–वामीटक्सार–खरबाङ सडक खण्ड आजदेखि बन्द गरिने जनाएको हो।

यो सडकखण्डको सत्यवती गाउँपालिका अन्तर्गत सिस्ने भिर क्षेत्रमा गएको माघ २६ गतेदेखि सडक स्तरोन्नति गर्ने काम सुरु गरिएको थियो। प्रशासनका अनुसार आजदेखि २० गतेसम्म चौबीसै घण्टा सडक बन्द गरी निर्माण कार्य गरिनेछ।

सडक बन्द अवधिमा वैकल्पिक मार्गका रूपमा सोता–तल्लोरोड–रुपाकोट–दोकुवा–सालघारी–चोरकाटे तथा मजुवा–दम्का–रुपाकोट–म्यालपोखरी–चोरकाटे भित्री सडक प्रयोग गर्न सकिने जनाएको छ।