- २२ भाद्र २०८३, सोमबार / Sep 7, 2026
एजेन्सी, ४ असाेज । रूसी लडाकू विमानले इस्टोनियाको आकास क्षेत्रमा उडान गरेपछि बाल्टिक देश इस्टोनियाले अन्य नेटो सदस्य देशहरूसँग परामर्शका लागि अनुरोध गरेको छ। इस्टोनियाको विदेश मन्त्रालयले यसलाई रूसी अतिक्रमणको रूपमा टिप्पणी गरेको छ।
इसटोनियाका अनुसार, तीनवटा रूसी मिग–३१ लडाकू विमान बिना अनुमति आकास क्षेत्रमा प्रवेश गरेका थिए र कुल १२ मिनेटसम्म त्यहाँ थिए। नेटोका एक अधिकारीले ती विमानलाई धपाएको जानकारी बीबीसीले दिएको छ।
तर, रूसको विदेश मन्त्रालयले आफ्ना विमान पूर्वनिर्धारित उडानमा रहेको र अन्तर्राष्ट्रिय हवाई क्षेत्रको नियमभित्र रहेको, अन्य देशको आकास नछोएको जनाएको छ।
सन् २०२२ देखि रूसले युक्रेनमा आक्रमण गरेपछि नेटो र रूसबीच तनाव बढिरहेको छ। नेटोमा बेलायत, अमेरिका, क्यानडा, फ्रान्स, जर्मनी, इटली, स्पेन, टर्कीसहित ३२ देश सदस्य छन्।
