शिक्षा समितिले पारित गर्यो विद्यालय शिक्षा विधेयक, अब संसदमा पेश हुने

काठमाडौँ । विद्यालय शिक्षा विधेयक प्रतिनिधिसभाको शिक्षा, विज्ञान तथा प्रविधि समितिबाट पारित भएको छ। बिहीबार बिहानैदेखि बसेको समितिको बैठकले विधेयकलाई बहुमतले पारित गरेको हो। समितिले जनाएको अनुसार पारित विधेयक अब प्रतिनिधिसभाको अर्को बैठकमा पेश गरिनेछ।

यसअघि विधेयकमा रहेका केही प्रावधानहरूलाई लिएर विभिन्न सरोकारवालाले असहमति जनाएपछि समितिबाट पारित गर्ने प्रक्रिया अड्किएको थियो। लामो समयको छलफल र समायोजनपछि भने बिहीबारको बैठकले विधेयक पारित गरेको हो।

शिक्षा क्षेत्रमा संरचनागत सुधार, व्यवस्थापन र शिक्षण गुणस्तरलाई ध्यानमा राखेर तयार गरिएको यो विधेयक विद्यालय शिक्षा प्रणालीलाई दीर्घकालीनरूपमा प्रभावकारी बनाउन सक्ने समितिको धारणा छ।