- २८ असार २०८३, आईतवार / Jul 12, 2026
काठमाडाैं, २ पुष । नेपाली बजारमा बुधबार चाँदीको मूल्यले नयाँ रेकर्ड कायम गरेको छ। नेपाल सुनचाँदी व्यवसायी महासंघका अनुसार चाँदीको मूल्य पहिलो पटक प्रतितोला ४ हजार रुपैयाँ नाघेको हो।
बुधबार चाँदी प्रतितोला ४ हजार ५५ रुपैयाँमा कारोबार भइरहेको छ। एकैदिन चाँदीको मूल्य तोलामा १ सय ७० रुपैयाँले वृद्धि भएको महासंघले जनाएको छ। यसअघि मंगलबार चाँदी प्रतितोला ३ हजार ८ सय ८५ रुपैयाँमा कारोबार भएको थियो।
एक साताको अवधिमै चाँदीको मूल्यले लगातार नयाँ रेकर्ड बनाएको हो। यसअघि गत बुधबार चाँदीको मूल्य ३ हजार ९ सय ५ रुपैयाँ पुगेर रेकर्ड बनेको थियो।
त्यसैगरी बुधबार सुनको मूल्य पनि बढेको छ। सुन तोलामा ७ सय रुपैयाँले बढेर प्रतितोला २ लाख ५९ हजार ७ सय रुपैयाँमा कारोबार भइरहेको छ। मंगलबार सुन प्रतितोला २ लाख ५९ हजार रुपैयाँमा कारोबार भएको थियो।
यसअघि सोमबार सुनको मूल्य हालसम्मकै उच्च २ लाख ६० हजार ७ सय रुपैयाँ पुगेर नयाँ रेकर्ड बनाएको नेपाल सुनचाँदी व्यवसायी महासंघले जनाएको छ।
