- २२ भाद्र २०८३, सोमबार / Sep 7, 2026
रौतहट, १८ भाद्र । बाराको इलाका प्रहरी कार्यालय सिमराले आज बिहान ५ किलो गाँजासहित एक युवकलाई नियन्त्रणमा लिएको छ।इलाका प्रहरी कार्यालय सिमराका असई राजहरण यादवको टोलीले बिहान ७:३० बजे पथलैयाबाट जैतापुरतर्फ जाँदै गरेको भारतीय नम्बर प्लेटको मोटरसाइकल (BR 05 M 7718) लाई चेकजाँच गर्ने क्रममा गाँजा फेला पारेको हो।
चेकजाँचका क्रममा मोटरसाइकलको ट्याङ्की मुनी फल्स बटम बनाई लुकाइ–छिपाइ ल्याइएको करिब ५ किलो गाँजा बरामद गरिएको बाराका प्रहरी प्रमुख एसपी सन्तोष कुमार तामाङले जानकारी दिनुभयो।
गाँजासहित जितपुर सिमरा–११, खेस्रोल बस्ने २० वर्षीय मुना यादवलाई नियन्त्रणमा लिइएको प्रहरीले जनाएको छ। पक्राउ परेका यादवमाथि थप अनुसन्धान भइरहेको छ।
