विराटनगरमा दुर्लभ ‘स्पिटिङ कोब्रा’ भेटियो, एक जना घाइते

विराटनगर, १५ जेठ । मोरङको विराटनगर–४ मा पर्ने नोबेल अस्पताल पछाडि डा. सुनील शर्माको निवासमा विष फाल्ने दुर्लभ प्रजातिको ‘स्पिटिङ कोब्रा’ सर्प फेला परेको छ।

सर्पलाई नियन्त्रणमा लिई जिल्ला वन कार्यालय मोरङमा बुझाइएको छ। उद्धारको क्रममा सर्पले विष फालेपछि उद्धारकर्ता शम्भु घिमिरे घाइते भएका छन् र हाल कोशी अस्पतालको आकस्मिक कक्षमा निगरानीमा छन्।

विराटनगर महानगरपालिकाको स्वास्थ्य महाशाखाले यस्ता सर्प देखिए तत्काल जानकारी गराउन आग्रह गरेको छ।