तेहरान, ८ असार । इरानमाथि अमेरिका द्वारा गरिएका हवाई आक्रमणपछि अब ईरान चुप बस्ने अवस्थामा छैन। ईरानका सर्वोच्च नेता अयातुल्ला अली खामेनीले कडा शब्दमा चेतावनी दिँदै भनेका छन्, “अमेरिकाले पहिलेभन्दा ठूलो क्षति र झट्का भोग्नुपर्नेछ।”

खामेनेईको यो भनाइले क्षेत्रीय युद्ध झनै चर्कने सङ्केत दिएको छ। इरानी सरकारी टेलिभिजनले राष्ट्रपति डोनाल्ड ट्रम्पलाई प्रत्यक्ष रूपमा चेतावनी दिँदै भनेको छ— “अब पश्चिम एसियामा रहेका सबै अमेरिकी नागरिक र सैनिकहरू हाम्रो निशानामा छन्।”

ईरानी टेलिभिजन च्यानलले पश्चिम एसियामा रहेका अमेरिकी सैन्य ठेगानाहरूको ग्राफिक प्रस्तुत गर्दै भनेको छ । “अमेरिकाले इरानी हवाई क्षेत्र उल्लंघन गरेर ठूलो अपराध गरेको छ। यो क्षेत्रमा अब अमेरिकाको कुनै स्थान छैन।”

अमेरिकाको आक्रमणपश्चात इजरायली सुरक्षायन्त्र पनि उच्च सतर्कतामा राखिएको छ। इरानले इजरायलसँग चलिरहेको युद्धमा अमेरिकी संलग्नतालाई युद्ध विस्तारको प्रमाण मानेको छ।

ट्रम्पले सामाजिक सञ्जालमार्फत जानकारी दिँदै भनेका थिए कि अमेरिकाले इरानका तीन परमाणु केन्द्र  फोर्डो, नतांज र इस्फाहान, मा सफल हमला गरेको छ। आक्रमणपछि उनले ‘अब शान्तिको समय’ भएको टिप्पणी गरेका थिए, तर इरानको प्रतिक्रिया त्यसको उल्टो देखिएको छ।

इरानका सर्वोच्च नेता अयातुल्ला खामेनीले अमेरिकी आक्रमणलाई ‘युद्धको अकारण र अपमानजनक कदम’ भनेका छन्। उनले चेतावनी दिएका छन् अब इरानले अमेरिका र उसका साझेदारहरूलाई थप ठुलो क्षति पुर्याउने छ।