मुख्य बुँदाहरू:

• रामेछाप चिसापानीका किसानले बाँदरको आक्रमणपछि मकै खेतीबाट बेसार खेतीमा स्विच गरेका छन्।

• बेसार खेतीले राम्रो आर्थिक लाभ भइरहेको छ र स्थानीय बजारमा यसको मूल्य रु ३०० प्रतिकिलोसम्म पुगिरहेको छ।

• किसान श्रीप्रसाद घिमिरेले १० रोपनीमा बेसार खेती गर्दै गाउँमा बाँदरको समस्या कम गर्ने प्रयास गरिरहेका छन्।

• धेरैले बाँझो बारीमा बेसार खेती सुरु गरेका छन् र थप जमिनमा विस्तार गर्ने योजना बनाइरहेका छन्।

• बाँदरबाट बच्न किसानहरूले बेसारसँगै अम्रिसो खेती पनि गरिरहेका छन्।

रामेछाप, ३२ असार। मन्थली नगरपालिका वडा नं–८ चिसापानीका किसानले बाँदरको समस्या समाधानका लागि व्यावसायिक रूपमा बेसार खेती सुरु गरेका छन् । बारीमा लगाएको मकैमा बाँदरले आक्रमण गरेपछि उनीहरुले त्यसको विकल्पमा बेसार खेती सुरु गरेका हुन् ।

बेसार बिक्रीबाट राम्रै आम्दानी हुन थालेपछि किसानहरू त्यसतर्फ आकर्षित भएका हुन् । हाल स्थानीय बजारमा बेसार प्रतिकिलो रु ३०० सम्म बिक्री हुने गरेको छ ।

नगदे बालीका रूपमा लिइने बेसार खेतीबाट राम्रो आम्दानी हुने गरेको किसान श्रीप्रसाद घिमिरे बताउँछन् । “बाँदरकै कारण गाउँ रित्तिन थालेको छ, धेरै मानिसहरू बसाइ सरिसकेका छन्, मैले विकल्पमा १० रोपनीमा बेसार खेती गरेको छु”, उनले भने । आफूहरूले अभियानकै रूपमा बेसार खेती गरेको र थप जमिनमा रोप्ने तयारी पनि गरिरहेको उनको भनाइ छ ।

बसाइँ सरेपछि यहाँका बाँझा बारीमा पछिल्लो समय बेसार खेती हुन थालेको उनको भनाइ छ । बाँदरबाट जोगाउनका लागि धेरै किसानले बेसारसँगै अम्रिसोको खेती पनि गरिरहेका छन् । रासस