- ५ आश्विन २०८३, सोमबार / Sep 21, 2026
बैतडी बस दुर्घटनामा १३ जनाको मृत्यु
मृतकका परिवारलाई जनही एक लाख रुपैयाँ राहत
घाइतेको सरकारी अस्पतालमा निःशुल्क उपचार
मन्त्रिपरिषद् बैठकबाट राहत निर्णय
पुर्चौडी नगरपालिकाद्वारा शोक बिदा घोषणा
काठमाडौँ । सुदूरपश्चिम प्रदेश सरकारले बैतडीमा भएको जन्ती बस दुर्घटनामा ज्यान गुमाएका व्यक्तिका परिवारलाई जनही एक लाख रुपैयाँ राहत उपलब्ध गराउने निर्णय गरेको छ ।
प्रदेश सरकारको आज बसेको मन्त्रिपरिषद् बैठकले मृतकका परिवारलाई राहत प्रदान गर्ने तथा घाइतेहरूको सरकारी अस्पतालमा निःशुल्क उपचार गर्ने निर्णय गरेको मुख्यमन्त्री कमलबहादुर शाहले जानकारी दिनुभयो ।
बैतडीको पुर्चौडी नगरपालिका–७ भौनीबाट बेहुली लिएर फर्किने क्रममा पुर्चौडी–बडगाउँ मोडमा सुदूरपश्चिम प्रदेश ०२–००१ ख १११९ नम्बरको बस हिजो साँझ दुर्घटनामा पर्दा १३ जनाको ज्यान गएको थियो ।
दुर्घटनापछि पुर्चौडी नगरपालिकाले आज एक दिनको शोक बिदा दिएको थियो दुर्घटनामा घाइते भएका ३४ जनाको विभिन्न अस्पतालमा उपचार भइरहेको जनाइएको छ । प्रदेश सरकारले पीडित परिवारलाई राहत उपलब्ध गराउन आवश्यक प्रक्रिया तत्काल अघि बढाइने जनाएको छ ।