काठमाडौँ । नेपाल बीमा प्राधिकरणले भदौ २३ गतेदेखि उत्पन्न असहज परिस्थितिबाट सिर्जित बीमा दाबीलाई छिटो र सहज रूपमा फर्छ्योट गर्न बीमा कम्पनीहरूलाई निर्देशन दिएको छ ।

प्राधिकरणका निर्देशक कुन्दन सापकोटाका अनुसार हालको असामान्य अवस्थाका कारण सार्वजनिक तथा निजी क्षेत्रमा ठूलो क्षति पुगेको छ भने बिमितको धनसम्पत्तिमा समेत असर परेको छ ।

यसलाई ध्यानमा राख्दै निर्जीवन बीमा कम्पनीहरूलाई बीमित ग्राहकको दाबीलाई प्राथमिकतामा राखेर तत्काल फर्छ्योट गर्न आग्रह गरिएको हो । त्यस्तै, असहज अवस्थाका कारण भएको क्षतिको बीमा दाबी भुक्तानीका विवरण साप्ताहिक रूपमा प्राधिकरणमा उपलब्ध गराउन समेत निर्देशन दिइएको छ ।

यही भदौ २३ र २४ गतेको प्रदर्शन तथा तोडफोडका कारण ठूलो जनधनको क्षति भएको प्राधिकरणले जनाएको छ ।