- २५ भाद्र २०८३, बिहीबार / Sep 10, 2026
काठमाडौं, २९ जेठ । श्रम संस्कृति पार्टीका अध्यक्ष तथा संसदीय दलका नेता हर्क साम्पाङले सुस्तामा भारतीय सीमा बलले नेपालीमाथि हप्कीदप्की गरेको विषयमा सरकारको ध्यानाकर्षण गराएका छन् ।
प्रतिनिधिसभा बैठकमा बोल्दै उनले यस विषयमा रक्षामन्त्रीको जवाफ आवश्यक रहेको बताए । प्रधानमन्त्री बैठकमा उपस्थित नभएको उल्लेख गर्दै उनले सभामुखमार्फत रक्षामन्त्रीलाई संसदमा उपस्थित गराउन माग गरे । ‘प्रधानमन्त्रीज्यू आउनुहुन्न । अब रक्षामन्त्रीलाई बोलाइदिनुस् । सभामुख महोदय रुलिङ गरेर रक्षामन्त्री ल्याइदिनुपर्यो । हामी दुई चार वटा प्रश्न सोध्न चाहन्छौं ।’ उनले भने ।
साम्पाङले सुस्तामा भारतीय सशस्त्र सीमा बलले नेपालीमाथि हप्कीदप्की गरेको र स्थानीय नेपालीहरू आफ्नो भूमिको पक्षमा उभिएको भिडियो सार्वजनिक भएको दाबी गरे ।
उनले सीमामा नेपाली सेना गएर बस्न नसक्नुको कारणबारे पनि सरकारसँग जानकारी मागेका छन् ।