कोटीहोम आयोजकले गर्न लागेको भूमिपूजा रोक्न खोजेपछि तनाव उत्पन्न

 काठमाडौं । पोखरा महानगरपालिकाले कोटीहोम आयोजकले गर्न लागेको भूमिपूजा रोक्न खोजेपछि तनाव उत्पन्न भएको छ। अनुमति बिनै कोटीहोमको प्रक्रिया अघि बढाइएको भन्दै महानगरले बिहानैदेखि नगर प्रहरी परिचालन गरेको थियो।

नेपाल पञ्चाङ्ग निर्णायक समितिले आज बिहानका लागि भूमिपूजा गर्ने साइत निकालिदिएको थियो। भएको साइतमै भूमिपूजा गर्न लागेको र त्यसलाई नगर प्रहरीले रोक्न खोज्दा झडप भएको थियो।

झडपपछि लेकसाइड क्षेत्र तनावग्रस्त बनेको छ। झडपका क्रममा कोटीहोम पक्षका केही व्यक्ति घाइते भएको बताइएको छ।