- २७ असार २०८३, शनिबार / Jul 11, 2026
काठमाण्डौ । बिहीबार र शुक्रबार नदी तटिए क्षेत्रका बासीन्दालाई सजकता अपनाउन बाढी पूर्वानुमान महाशाखाले आग्रह गरेको छ । देशभरका नदीमा पानीको बहाव उल्लेख्य बढ्ने भएकाले सजकता अपनाउन महाशाखाले आग्रह गरेको हो ।
बिहीबार र शुक्रबार कोशी, मधेश, बाग्मती र कर्णाली प्रदेशमा आकस्मिक बहावको मध्यम जोखिम रहेको जनाएको छ । गण्डकी, लुम्बिनी, सुदूरपश्चिम प्रदेशमा भने आकस्मिक बहावको उच्च जोखिम रहने पूर्वानुमान रहेकोले त्यस क्षेत्रमा उच्च सतर्कता अपनाउन महाशाखाले आग्रह गरेको छ ।
नारायणी, बाग्मती, कमला, कन्काई, पश्चिम राप्ती, बबई र यसका सहायक नदीहरुमा जलसतह सतर्कता तह आसपास पुग्ने महाशाखाले पूर्वानुमान गरेको छ ।
