शेखर भन्छन्, ‘धनराज गुरुङले गनगन गर्न हुँदैन, दोषी भए सजाय भोग्नुपर्छ’

काठमाडौं । सहकारी प्रकरणमा जोडिएका उपसभापति धनराज गुरुङ दोषी देखिए कारवाही भोग्नुपर्ने कांग्रेस नेता डा. शेखर कोइरालाले बताएका छन् । गुरुङ कांग्रेसको भए छुट दिनु पर्छ भन्ने होइन, दोषी भए कडा कारबाही गर्नु पर्ने तर्क उनको छ ।

मितेरी बचत तथा ऋण सहकारी संस्थाको अपचलनमा उपसभापति गुरुङको नाम मुछिएपछि कोइरालाले श्रीमती ज्योति गुरुङलाई फौजदारी मुद्दा लागाउनुृ पर्ने बताए । उनले भने, ‘धनराजजीको केसमा फौजदारी मुद्दा लाग्ला, फौजदारी मुद्दा लाग्दाखेरि धनराजजीलाई लाग्छ कि उहाँको श्रीमतीलाई लाग्ने हो ?

मेरो हिसाबले त श्रीमतीलाई लाग्नुपर्ने हो । उहाँले नेपाली काँग्रेसको उपसभापति, सांसदको हिसाबले जिम्मेवारी लिनुपर्छ, सरकारले कसरी लिन्छ ? कसरी जान्छ हेर्नु छ । म क्लियर छु, कसैले गलत काम गरेको छ भने त्यो सजायको भागी हुनुपर्छ । उहाँ नेपाली काँग्रेसको हो त्यस कारण पर्नुहुँदैन भन्ने कुरा होइन ।’