- १८ असार २०८३, बिहीबार / Jul 2, 2026
काठमाडाैं । ललितपुरको बालकुमारीमा बा २ झ ५८६१ नम्बरको भौतिक पूर्वाधार तथा यातायात मन्त्री प्रकाश ज्वालाले प्रयोग गरेको गाडीमा आगो लगाइदिएका छन् ।
रोजगार अनुमति प्रणाली (ईपीएस) परीक्षाको विषयलाई लिएर प्रदर्शनमा उत्रिएका युवाहरूले उक्त गाडीमा रहेका मन्त्री र पीएसओलाई बाहिर निकालेर गाडीमा आगो लगाएका थिए । यता ललितपुर प्रहरी प्रमुख एसएसपी सिद्धिविक्रम शाहले गाडीमा आगो लगाएको खबर प्राप्त भएको र अहिले उक्त क्षेत्रमा प्रहरी टोली पुगेको बताए ।
अहिले बालकुमारी क्षेत्र तनावग्रस्त रहेको छ । प्रदर्शनकारीले सडक अबरुद्ध समेत पारेका छन् ।
