- २९ जेष्ठ २०८३, शुक्रबार / Jun 12, 2026
जलेश्वर । महोत्तरीको एकडारा गाउँपालिका–५ स्थित बहेडामा लुकाई छिपाई रोपिएका गाँजा प्रहरीले नष्ट गरेको छ । जिल्ला प्रहरी कार्यालय महोत्तरीबाट बिहीबार खटिएको टोलीले करिब चार बिगाहा क्षेत्रफलमा लगाइएको गाँजा फँडानी गरेको हो ।
प्रहरी उपरीक्षक प्रकाश मल्लले बहेडामा लुकाई छिपाई गाँजा खेती गरिएको भन्ने सूचनाका आधारमा २५ जनाको प्रहरी टोली खटिएर गाँजा उखेलेर नष्ट गरेको बताए । रासस
