एकै दिन एक हजार चार सय रुपैयाँले बढ्यो सुनको भाउ

काठमाण्डौ । सुनको बढेको छ । बुधबार एकैदिन सुनको भाउ तोलामा एक हजार चार सय रुपैयाँले बढेको हो ।

मंगलबार सुनको भाउ तोलाको एक लाख ५९ हजार दुई सय रुपैयाँ रहेको थियो भने बुधबार तोलामा एक हजार चार सय रुपैयाँले बढेर एक लाख ६० हजार ६ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

चाँदी बुधबार तोलामा २० रुपैयाँले बढेर एक हजार आठ सय ५५ रुपैयाँमा कारोबार भएको महासङ्घले जनाएको छ । मंगलबार चाँदीको भाउ तोलाको एक हजार आठ सय ३५ रुपैयाँ रहेको थियो । बुधबार चाँदीको भाउ पनि बढेको हो ।