मौसममा बदलीसँगै कतै कतै छिटपुट वर्षाको सम्भावना

काठमाण्डौ । मंगलबार पहाडी एक–दुई स्थानमा हल्का वर्षाको सम्भावना रहेको छ । कोशी, बागमती, गण्डकी, कर्णाली र सुदूरपश्चिमका पहाडी भागमा हल्का वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।

काठमाण्डौ उपत्यका र तराई क्षेत्रमा बिहान हुस्सु लागेको छ । काठमाण्डौमा दिउँसोसम्म नै बादल लाग्ने सम्भावना रहेको महाशाखाले जनाएको छ । बिहीवार मौसममा बदलीसँगै कतै कतै छिटपुट वर्षाको सम्भावना देखिएको महाशाखाले जनाएको छ ।

हिमाली क्षेत्रमा हल्का हिमपात हुने र पश्चिमी क्षेत्र लुम्बिनी, गण्डकी, कर्णाली र सुदूरपश्चिम तथा पूर्व कोशीका पहाडी क्षेत्रमा मौसम आंशिक बदली भएको महाशाखाले जनाएको छ ।