बमजनविरुद्ध ८.५ करोड रुपैयाँको बिगो दाबी

सर्लाही । सर्लाही जिल्ला अदालतमा रामबहादुर बमजनविरुद्ध सम्पत्ति शुद्धीकरणको मुद्दा दायर भएको छ । बमजनविरुद्ध ८.५ करोड रुपैयाँको बिगो दाबी गरिएको सम्पत्ति शुद्धीकरण अनुसन्धान विभागले जनाएको हो ।

यसअघि, बमजनविरुद्ध बाल यौन शोषणको मुद्दा अदालतमा विचाराधीन छ । काठमाडौँस्थित उनको घरमा खानतलासी गर्दा नगद रकम बरामद भएको थियो।

उक्त रकमको आधारमा विभागले सम्पत्ति शुद्धीकरणको प्रक्रिया सुरु गरेको हो। सोमबार यस मुद्दा दर्ता गरिएको जिल्ला सरकारी वकिल कार्यालय सर्लाहीले जनाएको छ ।