धनगढीमा ग्यास सिलिन्डर पड्किँदा तीन जना घाइते

काठमाडौं । ग्यास सिलिन्डर पड्किंदा तीन जना घाइते भएका छन्। सुदूरपश्चिमको अस्थायी राजधानी धनगढीमा सिलिन्डर पड्किँदा तीन जना घाइते भएका हुन ।
सिलिन्डर पड्किंदा मीना खड्कासहित स्थानीय ग्याँस बिक्रेता ४० वर्षीय गोविन्द जोशी र खड्काकी २० वर्षीया छोरी चन्द्रा घाइते भएका हुन्।

धनगढी उपमहानगरपालिका ६ मटियारीमा ३६ वर्षीया मिना खड्काको घरमा सिलिन्डर जोड्ने क्रममा एक्कासी पड्किएको जिल्ला प्रहरी कार्यालयले जनाएको छ।
जोशीको पसलबाट ग्यास किनेकी खड्काले जोड्नका लागि समेत उनलाई घरमा बोलाएकी थिइन्।

जोशीले सिलिन्डर जोड्ने क्रममा एक्कासी पड्किएको प्रहरीले जनाएको छ। उनीहरुको निसर्ग अस्पतालमा उपचार भइरहेको छ। उनीहरुको अवस्था खतरामुक्त रहेको प्रहरीले जनाएको छ।