- २२ भाद्र २०८३, सोमबार / Sep 7, 2026
काठमाडौँ, ३१ असाेज । गृह मन्त्रालयले विगतका सरकारको संरक्षणमा रोकिएका र अवरुद्ध भएका ठूला भ्रष्टाचार र अनियमिततासम्बन्धी फाइलहरूको अनुसन्धान अघि बढाएको छ।
गृहमन्त्री ओमप्रकाश अर्यालले मन्त्रालयका अधिकारीहरू र प्रहरी प्रशासनलाई अनुसन्धान गर्न निर्देशन दिएका छन्।सुन तस्करी काण्डमा निगरानी बढाइएको छ भने माओवादी नेता एवं पूर्व सभामुख कृष्णबहादुर महरा पक्राउ गरी जेल चलान भइसकेका छन्।
मन्त्रालयले नक्कली भुटानी शरणार्थी प्रकरण, ६० केजी र ९ केजी सुन तस्करी, सहकारी भ्रष्टाचार, हदबन्दी छुटको जग्गा अनियमितता, गिरीबन्धु टि–स्टेट काण्ड र सार्वजनिक जग्गा अनियमितता लगायत विभिन्न ठूला भ्रष्टाचार प्रकरण छानबिन गरिरहेको छ।
गृहमन्त्रालयका अधिकारीहरूका अनुसार ठूला भ्रष्टाचारमा संलग्न नेता तथा पूर्व मन्त्रीहरूको सम्पत्तिको गोप्य रूपमा छानबिन भइरहेको छ। गृहमन्त्री अर्यालले भनेका छन् कि अनुसन्धान तीव्रतापूर्वक अघि बढाइनेछ र कसैले पनि भ्रष्टाचारबाट बच्न पाउने छैनन्।
