- २६ असार २०८३, शुक्रबार / Jul 10, 2026
काठमाडौँ, २ असाेज । तिहार पर्वका दिनहरूमा देशभरको मौसम सामान्यतया सफा रहने भएको छ। मौसम पूर्वानुमान महाशाखाका अनुसार तिहार अवधिभर अधिकांश स्थानमा खुला आकाश रहनेछ भने केही पहाडी क्षेत्रमा मात्र हल्का बदली हुन सक्छ।
पश्चिमी वायुको प्रभावका कारण देशका केही पहाडी भू–भागमा आंशिकदेखि सामान्य बदली हुने अनुमान गरिएको छ। महाशाखाले भोलि लक्ष्मीपूजाको दिन कोशी, वाग्मती, गण्डकी र कर्णाली प्रदेशका पहाडी भागका एक–दुई स्थानमा फाटफुट वर्षाको सम्भावना रहेको जनाएको छ।
यसैगरी, भाइटिकासम्म पनि देशका उच्च पहाडी तथा हिमाली क्षेत्रका केही ठाउँमा हल्का वर्षा र हिमपातको सम्भावना रहने महाशाखाले जनाएको छ। तर, देशका बाँकी भू–भागमा मौसम मुख्यतया सफा र स्थिर रहनेछ।
मौसमविद्हरूका अनुसार तिहारमा प्रायः मौसम खुला रहने भएकाले दीपावली, देउसी–भैलो र पारिवारिक भेटघाटका कार्यक्रम सहज हुनेछन्। यद्यपि, हिमाली क्षेत्रका बासिन्दाले चिसो र हल्का हिमपातको सम्भावनालाई ध्यानमा राखी आवश्यक तयारी गर्न सुझाइएको छ।
