- २४ आश्विन २०८३, शनिबार / Oct 10, 2026
काठमाडौं, १० जेठ । नेपाल उद्योग वाणिज्य महासंघका अध्यक्ष चन्द्रप्रसाद ढकालले पर्यटन प्रवद्र्धनका लागि प्राकृतिक र धार्मिक सम्पदाको प्रभावकारी उपयोग आवश्यक रहेको बताएका छन्। काठमाडौंमा आयोजित एक कार्यक्रममा बोल्दै उनले नेपालले आफ्नो प्राकृतिक र धार्मिक सम्पदाबाट अपेक्षित लाभ लिन नसकेको औंल्याए।
अध्यक्ष ढकालले सगरमाथा, लुम्बिनी, पशुपतिनाथ र मुक्तिनाथजस्ता विश्वप्रसिद्ध पर्यटकीय स्थल भए पनि नेपालले तिनको पूर्ण उपयोग गर्न नसकेको बताए। ‘हामी प्राकृतिक र धार्मिक रूपमा धनी छौं, तर त्यसको आर्थिक लाभ उठाउन सकेका छैनौं,’ उनले भने।
उनले महासंघले सातै प्रदेशमा पर्यटन पूर्वाधार निर्माणमा काम गरिरहेको जानकारी दिँदै पर्यटन प्रवद्र्धनले देशको आर्थिक वृद्धिमा योगदान पुर्याउन सक्ने बताए। साथै, यसका लागि सरकार र निजी क्षेत्रबीच प्रभावकारी सहकार्य आवश्यक रहेको उनको जोड छ।
