- २१ कार्तिक २०८३, शनिबार / Nov 7, 2026
काठमाण्डौ, १० भाद्र । देशभरका यातायात व्यवसायीको छाता संस्था नेपाल यातायात व्यवसायी राष्ट्रिय महासङ्घले इम्बोस्ड नम्बर प्लेट जडानको निर्णयको विरोध जनाएको छ।
महासङ्घका महासचिव डेकनाथ गौतमले जारी गरेको विज्ञप्तिमा देशभरका यातायात कार्यालयमा इम्बोस्ड नम्बर प्लेट जडान गर्ने प्रविधि र पूर्वाधार नहुँदा तत्काल निर्णय कार्यान्वयन गर्न नसकिने स्पष्ट गरिएको छ।
महासङ्घले सरकारसँग आवश्यक तयारी, उपकरण, जनशक्ति र प्राविधिक संरचना पूरा नगरी व्यवसायीलाई बाध्यकारी रूपमा नम्बर प्लेट जडान गर्न लगाउन खोज्नु व्यावहारिक नहुने बताएको छ।
साथै, इम्बोस्ड नम्बर प्लेट प्रणाली लागू गर्नुअघि व्यवसायी, सरकारी निकाय र सरोकारवालाबीच विस्तृत छलफल आवश्यक रहेको पनि विज्ञप्तिमा उल्लेख छ।
