ट्रक अनियन्त्रित भएर त्रिशूलीमा खस्यो

काठमाण्डौ । त्रिशूली नदीमा कोइला बोकेको ट्रक खसेको छ । मंगलबार मुग्लिन–नारायणगढ सडकखण्डको जुगेडी प्रहरी चौकी नजिक उक्त ट्रक खस्दा चालकको ज्यान गएको हो ।
दुर्घटनामा रामनारायण यादवको ज्यान गएको जिल्ला प्रहरी कार्यालय चितवनले जनाएको छ ।

दुर्घटनामा सहचालक रौतहट नगरपालिका वडा नम्बर ५ बस्ने असुन्द्रकुमार यादव घाइते भएका छन् । उनको नयाँ मेडिकल कलेज भरतपुरमा उपचार भइरहेको छ । बागमती प्रदेश ०३–००१ ख ४८७४ नम्बरको ट्रक अनियन्त्रित भएर त्रिशूलीमा खसेको हो ।