- २४ भाद्र २०८३, बुधबार / Sep 9, 2026
काठमाण्डौ, २३ जेठ । श्रम, रोजगार तथा सामाजिक सुरक्षा मन्त्रालयले संयुक्त अरब इमिरेट्स (यूएई) जाने नेपाली कामदारका लागि न्यूनतम तलब एक हजार दिराम निर्धारण गरेको छ।
मन्त्री शरतसिंह भण्डारीका अनुसार, दूतावासको सुझाव र परराष्ट्र तथा कानून मन्त्रालयको सहमतिमा मन्त्रीस्तरीय निर्णयमार्फत् नयाँ तलब निर्धारण गरिएको हो। सरकारले बजार अवस्थालाई ध्यानमा राखेर यो निर्णय गरेको जानकारी दिएको छ।
अब यूएई जाने नेपाली श्रमिकको न्यूनतम तलब सुविधा एक हजार दिरामभन्दा कम भएमा मागपत्र प्रमाणिकरण नहुने व्यवस्था गरिएको छ। यसअघि आठ सय, एक हजार र एक हजार दुई सय दिराम तलब लागू थियो।
नयाँ व्यवस्था अनुसार, अदक्ष श्रमिकको तलब न्यूनतम एक हजार, अर्धदक्षको एक हजार दुई सय, र दक्ष श्रमिकको तलब एक हजार पाँच सय दिराम तोकिएको छ।
यूएईको एक हजार दिराम करिब ३७ हजार नेपाली रुपैयाँ बराबर हुन्छ। मन्त्रालयले तोकिएको नयाँ तलब नदिने रोजगारदातालाई नेपाली श्रमिक लैजान नदिने कडा चेतावनी पनि दिएको छ।
