- ४ कार्तिक २०८३, बुधबार / Oct 21, 2026
काठमाण्डौ, २३ साउन । न्याय परिषदले उच्च अदालतमा तीन जना महिलासहित २७ जना न्यायाधीश सिफारिश गरेको छ। हिजो प्रधानन्यायाधीश प्रकाशमानसिंह राउतको अध्यक्षतामा बसेको बैठकले सिफारिश सूची अनुमोदन गरेको हो।
महिला न्यायाधीशमध्ये अवानी मैनाली भट्टराईलाई उच्च अदालत पाटनमा, शर्मिला थापा विष्टलाई उच्च अदालत पाटनको हेटौंडा इजलासमा र निशा बानियाँलाई उच्च अदालत तुलसीपुरको बुटवल इजलासमा सिफारिश गरिएको छ।
यसबाहेक विभिन्न जिल्ला अदालतका न्यायाधीश, उच्च अदालतका रजिष्ट्रार, सरकारी वकिल कार्यालयका सहन्यायाधिवक्ता, मन्त्रालयका सहसचिव र कानुन व्यवसायीहरूलाई समेत उच्च अदालतका विभिन्न इजलासमा नियुक्ति सिफारिश गरिएको छ।
न्याय परिषदको यो निर्णयसँगै देशका उच्च अदालतहरूमा महिला प्रतिनिधित्वमा केही वृद्धि हुने अपेक्षा गरिएको छ।
