पार्टी कार्यालय डुबानमा परेपछि एमाले सचिवालय बैठक होटल बसेरामा

काठमाडौं । एमाले सचिवालय बैठक होटल बसेरामा बस्ने भएको छ । पार्टी कार्यालय डुबानमा परेपछि होटल बसेरा हनुमानथानमा बैठक बस्ने प्रचार विभाग प्रमुख राजेन्द्र गौतमले कैलाश खबरलाई बताए ।

बिहान ११ बजे बस्ने बैठकले केन्द्रीय नेताहरूको कार्यविभाजन गर्ने तयारी गरेको छ । गत असार २६ गते बसेको सचिवालय बैठकले पार्टीका केन्द्रीय नेताहरूको कार्यविभाजन हेरफेर गर्ने निर्णय गरेको थियो ।

सोही निर्णयानुसार कार्यविभाजन सम्बन्धी मापदण्ड बनाएर आगामी सचिवालय बैठकमा केन्द्रीय नेताको कार्यविभाजन गर्न लागिएको हो ।