एमाले नीति प्रतिष्ठानको निर्देशक कमिटीमा को–को परे ? ६ जनाको नाम प्रस्ताव

काठमाडाैं, ०८ जेठ । नेकपा एमालेले नीति तथा अनुसन्धान प्रतिष्ठानको निर्देशक कमिटी गठनका लागि ६ जनाको नाम प्रस्ताव गरेको छ । प्रस्तावित नामबारे आज बस्ने सचिवालय बैठकले अन्तिम निर्णय गर्नेछ ।

पार्टीले यसअघि नै प्रतिष्ठानको अध्यक्षमा विष्णु रिमाललाई मनोनयन गरिसकेको छ । अब सदस्यहरूको नाम अनुमोदन गरेर कमिटीलाई पूर्णता दिने तयारी गरिएको हो ।

निर्देशक कमिटीमा को–को छन् प्रस्तावित ?

सचिवालय बैठकमा प्रस्तुत प्रस्तावअनुसार निर्देशक कमिटी सदस्यका रूपमा निम्न नामहरू अघि सारिएका छन्: युवराज खतिवडा, नेत्र तिमिल्सिना, योगेन्द्र गुरुङ, विनोद पाण्डे, एक जना कार्यकारी निर्देशक

यी नामहरू पार्टी अध्यक्ष केपी शर्मा ओलीको प्रस्तावअनुसार सचिवालयमा प्रस्तुत गरिएको बताइएको छ । एमालेको ११औँ राष्ट्रिय महाधिवेशनअघि प्रतिष्ठानको अध्यक्षमा ईश्वर पोखरेल रहेका थिए । महाधिवेशनपछि नेतृत्व परिवर्तन भई विष्णु रिमाललाई नयाँ अध्यक्षका रूपमा मनोनयन गरिएको हो ।

पार्टीभित्र नीति निर्माण, अनुसन्धान तथा अध्ययनसँग सम्बन्धित संरचनालाई थप प्रभावकारी बनाउने उद्देश्यसहित यो नयाँ निर्देशक कमिटी गठन प्रक्रिया अघि बढाइएको बताइएको छ ।