- २८ श्रावण २०८३, बिहीबार / Aug 13, 2026
काठमाडौं । एमालेको युवा संघ र मेडिकल व्यवसायी दुर्गा प्रसाईं नेतृत्वको प्रदर्शनलाई लक्षित गरी काठमाडौं उपत्यकाका तीन वटै जिल्लामा सुरक्षा व्यवस्था कडा बनाइएको छ । प्रदर्शनलाई लक्षित गरी उपत्यकामा विशेष सुरक्षा प्रबन्ध मिलाइएको छ ।
निषेधित क्षेत्र र कार्यक्रमस्थल आसपासमा अधिक सुरक्षाकर्मी परिचालन भएका छन् ।तिनकुने क्षेत्रमा तालिमप्राप्त कुकुरसहितका सुरक्षा व्यवस्था छ भने मध्यपुरथिमिस्थित दुर्गा प्रसाईंको निवास वरपर झन सुरक्षाकर्मी तैनाथ भएका छन् ।
तिनकुने क्षेत्रमा एमाले नेता महेश बस्नेत सहितका कार्यकर्ताहरु भेला हुने क्रम जारी छ भने । प्रसाईं समूहले बल्खु क्षेत्रमा केन्द्रित भएर प्रदर्शन गरिरहेका छन् । दुवैको कार्यक्रमस्थलमा सुरक्षाकर्मी तैनाथ भएका छन् ।
उनीहरुमध्ये अधिकांशले रातो क्याप लगाएका छन् । प्रदर्शनमा घुसपैठ हुन सक्ने र अप्रिय घटना हुन सक्ने सम्भावनालाई विश्लेषण गर्दै उपत्यकामा ड्रोनबाट निगरानी गर्ने व्यवस्था मिलाइएको प्रहरीले जनाएको छ ।
अत्यावश्यक कामबाहेक सवारीसाधन लिएर ननिस्कन प्रहरीले सूचना जारी गरेपछि उपत्यकाका सडकमा सवारी साधनको चाप कम छैन ।
