- ११ बैशाख २०८३, शुक्रबार / Apr 24, 2026
काठमाडाैं, १४ मंसिर । काठमाडौँ महानगरपालिका–२७ अन्तरगत वीर अस्पतालबाट जमलतर्फको फुटपाथ करिब साढे दुई वर्षदेखि अव्यवस्थित र जोखिमपूर्ण अवस्थामा रहेको छ । फुटपाथ मर्मत र निर्माणका सामग्री राखिए पनि लामो समयसम्म काम अगाडि नबढ्दा पैदल यात्रुहरू सघन ट्राफिकसँगै जोखिम मोलेर हिँड्न बाध्य भएका छन् ।
स्थानीयका अनुसार फुटपाथभरि थुपारिएका निर्माण सामग्री, अव्यवस्थित संरचना र काम नबढेको कारण सडक अझ साँघुरो बनेको छ । वीर अस्पताल क्षेत्र हुँदै दैनिक हजारौँ नागरिक आवतजावत गर्ने भएकाले समस्या झनै गम्भीर बन्दै गएको छ ।
नागरिकहरूले तत्काल निर्माण कार्य तीव्र बनाउन काठमाडौँ महानगरको ध्यानाकर्षण गराएका छन् ।
