प्रतिनिधिसभा निर्वाचनका लागि दल दर्ताको आज अन्तिम दिन

काठमाडाैं, १४ मंसिर । आगामी फागुन २१ गते हुने प्रतिनिधिसभा निर्वाचनका लागि दल दर्ता गर्ने म्याद आज (आइतबार) सकिँदैछ । निर्वाचन आयोगले मंसिर १ देखि १० गतेसम्म दल दर्ताको समय तोके पनि चाप बढेकाले आजसम्मका लागि म्याद थप गरिएको हो ।

आयोगका प्रवक्ता नारायणप्रसाद भट्टराइका अनुसार अहिले आयोगमा हालसम्म १३७ दल दर्ता भइसकेका छन् । नयाँ दलहरूको दर्ता निवेदन निरन्तर आइरहेको र कात्तिक महिनाभर नयाँ दल दर्ता खुला गरिएको उनले बताए ।

प्रतिनिधिसभा निर्वाचनका लागि मंसिर १० गतेसम्म १०६ दल दर्ता भएका थिए भने बाँकी दलहरूले त्यसपछि दर्ता प्रक्रिया पूरा गरेका छन् ।

यसैबीच आगामी माघ ११ गते हुने राष्ट्रियसभा निर्वाचनका लागि भने १३ दल मात्र दर्ता भएका छन् । राष्ट्रियसभा निर्वाचनमा सहभागी दलहरूको दर्ता मंसिर १ देखि ७ गतेसम्म खुला गरिएको थियो । आगामी निर्वाचनमा १८ सदस्यका लागि मतदान हुने आयोगले जानकारी दिएको छ ।